У Беларусі зацверджаны нормы накладных расходаў для арганізацый ЖКГ на 2025 год
У Беларусі вызначаны нормы накладных расходаў і нарматывы на 2025 год для арганізацый, якія ажыццяўляюць эксплуатацыю жыллёвага фонду і (або) прадастаўляюць жыллёва-камунальныя паслугі. Гэта прадугледжана пастановай Міністэрства жыллёва-камунальнай гаспадаркі ад 20 жніўня 2024 года нумар 9, паведамляе БЕЛТА са спасылкай на Нацыянальны прававы інтэрнэт-партал.
Так, устаноўлены накладныя расходы на ўласнае халоднае водазабеспячэнне (у разліку на 1 куб.м рэалізаванай вады) у памеры не больш як Br0,2379; на ўласнае водаадвядзенне (каналізацыю) (у разліку на 1 куб.м адведзеных сцёкаў у каналізацыю) - не больш як Br0,1818.
За рэалізацыю 1 Гкал цеплавой энергіі ўласнай вытворчасці для цеплазабеспячэння і гарачага водазабеспячэння норма расходаў складзе не больш як Br14,0101, за тэхабслугоўванне жылога дома - не больш як Br0,0301 на 1 кв.м агульнай плошчы жылога памяшкання.
Таксама вызначаны расходы за абыходжанне з цвёрдымі камунальнымі адходамі: не больш як Br1,651 - на 1 куб.м адходаў; не больш як Br11,8022 - на 1 т адходаў; тэхабслугоўванне ліфтаў - не больш як Br0,0209 (на 1 кв.м агульнай плошчы жылога памяшкання).
Нарматывы ўстаноўлены ў памеры не больш як 9 працэнтаў - для страт цеплавой энергіі, не больш як 12 працэнтаў - для страт і няўлічаных расходаў вады.
Устаноўленыя нормы і нарматывы не распаўсюджваюцца на арганізацыі сістэмы Міністэрства энергетыкі.
Прававы акт уступае ў сілу пасля яго афіцыйнага апублікавання.
