З 24 верасня ў Віцебскай вобласці пачнуць уключаць сістэмы ацяплення ў школах, дзіцячых садах, бальніцах і іншых сацыяльных аб'ектах. Гэта звязана з улікам сярэднясутачных тэмператур вонкавага паветра, якія склаліся.

Цяпло прыйдзе ў дзіцячыя сады і школы, медыцынскія ўстановы, установы сацыяльнага забеспячэння, спецыялізаваныя вучэбна-спартыўныя ўстановы, музеі, дзяржаўныя архівы, бібліятэкі і гасцініцы

Акцыя накіравана на прыцягненне ўвагі грамадскасці да праблем росту выкідаў у навакольнае асяроддзе ад аўтамабільнага транспарту і змяншэнне яго негатыўнага ўплыву на здароўе насельніцтва. 

Для даведкі: за год адным аўтамабілем спальваецца больш за 2 тоны паліва і спажываецца каля 30 тон атмасфернага паветра. Пры гэтым у атмасферу выкідваецца каля 200 найменняў забруджвальных рэчываў, асноўнымі з якіх з'яўляюцца чадны газ, аксіды азоту, вуглевадароды, цвёрдыя часціцы. 

Выбірай экалагічны транспарт: веласіпед, грамадскі транспарт або прагулку пешшу. Захаваем прыроду разам!

Дарагія жыхары Віцебскай вобласці!

Віншуем вас з Днём народнага адзінства!

Падзея верасня 1939 года, якая азнаменавала ўз'яднанне беларускага народа, заклала падмурак для паступальнага развіцця нашай незалежнай краіны.

Беларусы атрымалі магчымасць быць паўнапраўнымі гаспадарамі сваёй зямлі, развіваць унікальныя традыцыі, прымнажаць культурныя каштоўнасці і самастойна вызначаць далейшы шлях.

Сёння асабліва важна ўсё гэта захаваць – падтрымліваць адно аднаго, берагчы мір і згоду, умацоўваць сувязь пакаленняў!

Шчыра жадаем усім моцнага здароўя, міру, шчасця, дабрабыту і новых поспехаў у працы на карысць нашай любімай Беларусі!

«Час выбраў нас! Сіла ў адзінстве!»

З павагай А. М. Рагожнік, старшыня Віцебскага абласнога выканаўчага камітэта, Дз. В. Дзямідаў, старшыня Віцебскага абласнога Савета дэпутатаў.

Прэзідэнт Беларусі Аляксандр Лукашэнка сустрэўся з прадстаўнікамі каманды Прэзідэнта ЗША Дональда Трампа на чале са спецпасланнікам ЗША па Беларусі Джонам Коўлам, перадае карэспандэнт БЕЛТА.

"Паважаны Джон, далёка жывём, таму рэдка бачымся. Але я вітаю вас у Беларусі. Пра тое, што вы прыедзеце да нас, мы нічога не хавалі. Ды і вы асабліва нічога не хавалі, нам пра гэта вядома. Нашы людзі ведалі пра тое, што вы прыедзеце. Я вам павінен сказаць, з вялікай цікавасцю грамадства ўспрымае вашы візіты. Ну а суседзі і іншыя кіраўнікі дзяржаў уважліва сочаць за нашай сустрэчай", - сказаў Аляксандр Лукашэнка.

• Лукашэнка: Беларусь адкрыта для абмеркавання са ЗША любых пытанняў, але трэба няўхільна выконваць дамоўленасці
• "Гэта абсалютная няпраўда". Лукашэнка на сустрэчы з Коўлам развеяў фэйк, які распаўсюджваюць уцекачы на Захадзе

"Як вы бачыце, наша кампанія крыху пашырылася. Я папрасіў прыехаць прэм'ер-міністра, каб ён падрабязна мог далажыць аб выніках нашых мінулых кантактаў на практыцы (як рэалізуюцца папярэднія дамоўленасці. - Заўв. БЕЛТА)", - дадаў беларускі лідар.

У сваю чаргу Джон Коўл перадаў прывітанне ад Прэзідэнта ЗША Дональда Трампа. "Ён усяляк падтрымлівае ўсё тое, што мы робім", - сказаў ён.

Удзел у перагаворах з беларускага боку таксама прымаюць прэм'ер-міністр Аляксандр Турчын, старшыня КДБ Іван Церцель і пастаянны прадстаўнік Беларусі пры ААН Валянцін Рыбакоў.

Прэзідэнт Беларусі Аляксандр Лукашэнка ўручыў дзяржаўныя ўзнагароды заслужаным прадстаўнікам розных сфер. Урачыстая цырымонія арганізавана напярэдадні Дня народнага адзінства ў Палацы Незалежнасці, перадае карэспандэнт БЕЛТА.

Кіраўнік дзяржавы адзначыў, што Дзень народнага адзінства вярнуўся ў нацыянальны святочны каляндар пяць гадоў таму. Дату 17 верасня 1939 года Прэзідэнт назваў найважнейшым этапам у станаўленні нацыянальнай дзяржаўнасці. "Пасля вяртання заходніх зямель у склад Беларускай Савецкай Сацыялістычнай Рэспублікі мы сталі адзіным народам з агульнымі гісторыяй, культурай, мовай, якія ў Заходняй Беларусі пад прыгнётам польскай дзяржавы былі забаронены. Гэта факт", - сказаў Аляксандр Лукашэнка.

• Лукашэнка: беларусы сёння адзіная нацыя і самі прымаюць рашэнні аб будучыні краіны

"Сёння гэта цяжка ўявіць, але так было. Як былі і беларусы, якія не шкадавалі жыцця, каб мы "маглi людзьмі звацца". Такіх людзей было нямала, - падкрэсліў кіраўнік дзяржавы. - І хоць мы сталі шырока адзначаць Дзень народнага адзінства нядаўна, да апошняга, залішне часам імкнучыся зберагчы пачуцці заходняга суседа, гэта дата ўсё ж была ў сэрцы нашага народа. І пацвярджэнне таму - амаль 200 вуліц, праспектаў, плошчаў і бульвараў, названых у гонар гэтай даты - 17 верасня".

Прэзідэнт заўважыў, што свята прыжылося і палюбілася, заняло ганаровае месца ў адным радзе з галоўнымі святамі - Днём Перамогі і Днём Незалежнасці.

"Гісторыя не раз даказвала: што б ні адбывалася, беларусаў немагчыма купіць, іх немагчыма запалохаць і раз'яднаць", - звярнуў увагу Аляксандр Лукашэнка.

Кіраўнік дзяржавы падзякаваў усім узнагароджаным за тое, што яны робяць для краіны, за сумленную працу, талент, бяссонныя ночы і работу без выхадных. "А без гэтага такіх высокіх вынікаў, якіх вы дасягнулі, не бывае", - адзначыў ён. Прэзідэнт таксама нагадаў, што за многімі ўзнагародамі, нават асабістымі, стаіць праца цэлых калектываў, без якіх значныя персанальныя дасягненні ў розных галінах былі б немагчымыя.

"Ордэны, медалі і ганаровыя званні - знак таго, што краіна бачыць і цэніць вашы намаганні. Гэта падзяка ад мільёнаў суайчыннікаў і, вядома ж, асабіста ад мяне - за мір, дабрабыт, шчаслівае сучаснае і выдатную будучыню. Такія людзі, як вы, заўсёды імкнуцца да новага, дасканалага і сваёй працай паказваюць нам прыклад высокага служэння нашай Айчыне", - падкрэсліў Прэзідэнт.

Аляксандр Лукашэнка ад усяго сэрца павіншаваў прысутных з заслужанымі ўзнагародамі і пажадаў ім моцнага здароўя, міру, дабра і новых дасягненняў на карысць Радзімы.

Кіраўнік дзяржавы ўзнагародзіў ордэнам Працоўнай Славы адкрытыя акцыянерныя таварыствы "Планар" і "ІНТЭГРАЛ" - кіруючая кампанія холдынга "ІНТЭГРАЛ", а таксама токара-расточніка цэха доследнай вытворчасці №1 ААТ "Мінскі трактарны завод" Уладзіміра Флейту.

Ордэна Айчыны III ступені ўдастоена генеральны дырэктар ААТ "Малочны Свет" Марына Анікеева, ордэна Пашаны - намеснік старшыні па вытворчасці СПК імя Дзеньшчыкова Гродзенскага раёна Генадзь Эйсмант і старшыня СПК "Азёры Гродзенскага раёна" Аляксандр Шышко.

Медалём Францыска Скарыны ўзнагароджаны загадчык кафедры біяхіміі Гродзенскага дзяржаўнага медыцынскага ўніверсітэта Уладзімір Лелевіч і артыст заслужанага калектыву Беларусі "Нацыянальны Прэзідэнцкі аркестр Рэспублікі Беларусь" Ганна Міркос.

Кіраўнік дзяржавы ўручыў медалі "За працоўныя заслугі", спецыяльныя лісты аб абвяшчэнні Падзякі Прэзідэнта, а таксама нагрудныя знакі тым, хто ўдастоены ганаровых званняў.

Прэзідэнт Беларусі Аляксандр Лукашэнка ўвечары 8 верасня заслухаў даклад дзяржаўнага сакратара Савета бяспекі Аляксандра Вальфовіча. Пра гэта БЕЛТА паведамілі ў прэс-службе беларускага лідара.

Кіраўніку дзяржавы дакладзена аб ходзе праверкі баявой гатоўнасці злучэнняў і воінскіх часцей унутраных войскаў МУС. Акрамя таго, падчас даклада абмеркаваны кадравыя пытанні ва Узброеных Сілах.