14 чэрвеня 2024
У Беларусі ўжо нарыхтавана 16 працэнтаў травяных кармоў ад плана
У Беларусі ўжо нарыхтавана 16 працэнтаў травяных кармоў ад плана, паведамілі БЕЛТА ў Міністэрстве сельскай гаспадаркі і харчавання.
Паводле даных на 13 чэрвеня, травы першага ўкосу скошаны на 1,091 млн га (77,7 працэнта ад запланаванага). Нарыхтавана 79,9 тыс. т сена (11,4 працэнта), 5,414 млн т сенажу (40,7 працэнта) і 201,6 тыс. т сіласу (0,98 працэнта). Усяго плануецца атрымаць больш за 9,8 млн т кармавых адзінак травяных кармоў, на гэты момант нарыхтавана 16,3 працэнта.
Шматгадовых траў на ворнай зямлі падсеяна 86,2 працэнта ад неабходнага аб'ёму.
