"Спагнанне будзе па кожным пункце". Выкананне даручэнняў Прэзідэнта па ахове здароўя ўзята на асаблівы кантроль

Прэзідэнт Беларусі Аляксандр Лукашэнка ў студзені 2024 года (пасля навагодніх і калядных свят) збярэ вялікую нараду па ахове здароўя. Аб гэтым БЕЛТА паведамілі ў прэс-службе беларускага лідара, каменціруючы падпісанае сёння распараджэнне "Аб павышэнні эфектыўнасці работы сістэмы аховы здароўя".  

З улікам даручэння да 1 студзеня навесці парадак у галіне і вырашыць усе існуючыя праблемы, спагнанне на маючай адбыцца вялікай нарадзе будзе па кожным пункце.

 "Што датычыцца падпісанага распараджэння, кантроль за ходам яго выканання будзе арганізаваны самы сур'ёзны. Прэзідэнт звяртае ўвагу, што недахопы павінны ліквідавацца ўжо цяпер", - падкрэслілі ў прэс-службе. Было адзначана, што арганізаваць вельмі сур'ёзную работу павінны, не чакаючы снежня.