Мінімальная месячная зарплата ў Беларусі з 1 студзеня складзе Br726
З 1 студзеня 2025 года мінімальная месячная заработная плата ў Беларусі складзе Br726. Адпаведную пастанову падпісаў прэм'ер-міністр Раман Галоўчанка, паведамілі БЕЛТА ў прэс-службе ўрада.
Устаноўлены 1 студзеня 2024 года памер мінімальнай заработнай платы складае Br626.
Як адзначылі ў прэс-службе Міністэрства працы і сацыяльнай абароны, у параўнанні са студзенем 2024 года мінімальная заработная плата павялічана на Br100, амаль на 16 працэнтаў.
У ведамстве нагадалі, што мінімальную заработную плату наймальнік абавязаны прымяняць у якасці ніжэйшай мяжы аплаты працы работнікаў. Гэты сацыяльны стандарт прымяняецца ў арганізацыях незалежна ад формы ўласнасці або віду эканамічнай дзейнасці, у тым ліку ў таварыствах уласнікаў і ў індывідуальных прадпрымальнікаў, у адносінах да работнікаў, якія заключылі працоўныя дагаворы.
Мінімальная заработная плата гарантуецца ўсім работнікам пры выкананні ўстаноўленых імі абавязкаў і прымяняецца з улікам адпрацаванага рабочага часу. У той жа час калектыўным дагаворам (пагадненнем) можа быць устаноўлены больш высокі памер месячнай мінімальнай заработнай платы.
