МАЗ зацікаўлены ў актывізацыі супрацоўніцтва з Уфімскім трамвайна-тралейбусным заводам

 Старшыня Савета Рэспублікі Наталля Качанава правяла сёння нараду па рэалізацыі інвестыцыйнага праекта ў ААТ "МАЗ". У прыватнасці, прадугледжана рэканструкцыя аўтобуснага завода з будаўніцтвам новага вытворчага корпуса і павелічэннем вытворчых магутнасцей да 3 тыс. адзінак у год.

 "Мы вельмі інтэнсіўна працуем з інавацыйнымі прадуктамі. На Форуме рэгіёнаў Беларусі і Расіі пакажам новыя грузавікі, новую тэматыку грузавікоў. Працуем з новай пасажырскай тэхнікай, з новым фарматам. На Форуме рэгіёнаў плануем развіць супрацоўніцтва з Уфімскім трамвайна-тралейбусным заводам, з якім ужо звязвае больш як тры гады супрацоўніцтва і перспектывы доўгатэрміновага развіцця", - расказаў Валерый Іванковіч.

 На сённяшні дзень пад кантролем урада ідзе рэалізацыя праекта павелічэння вытворчых магутнасцей аўтобуснага завода. "Першы этап фактычна завяршаецца, - удакладніў гендырэктар. - Па імпартазамяшчэнні актыўна працуем. Пераадольваем тыя санкцыі, якія ўзніклі ў адносінах да нашага прадпрыемства, ажыццяўляем пастаўку каробак, рухавікоў, трансмісій, якія забяспечваюць выкананне даведзеных урадам паказчыкаў, выконваем усе ўзятыя на сябе кантракты і абавязацельствы".

 На фінансаванне праекта "Рэканструкцыя аўтобуснага завода з будаўніцтвам новага вытворчага корпуса і павелічэннем вытворчых магутнасцей да 3 000 адзінак у год" выдзелены сродкі з інавацыйнага фонду Мінгарвыканкама. Праект уключаны ў пералік праектаў па стварэнні новых вытворчасцей, якія маюць вызначальнае значэнне для інавацыйнага развіцця Рэспублікі Беларусь.