Лукашэнка адобрыў праект дагавора з Расіяй аб гарманізацыі мытнага заканадаўства

Кіраўнік дзяржавы Аляксандр Лукашэнка сёння падпісаў указ нумар 79, якім адобраны праект дагавора паміж Беларуссю і Расіяй аб гарманізацыі мытнага заканадаўства і супрацоўніцтве ў мытнай сферы ў якасці асновы для правядзення перагавораў. Аб гэтым БЕЛТА паведамілі ў прэс-службе беларускага лідара.

Падрыхтоўка міжнароднага дагавора ў сферы мытнага ўзаемадзеяння прадугледжана Асноўнымі напрамкамі рэалізацыі палажэнняў Дагавора аб стварэнні Саюзнай дзяржавы на 2021-2023 гады, зацверджанымі дэкрэтам Вышэйшага дзяржаўнага савета Саюзнай дзяржавы 4 лістапада 2021 года.

Праектам дагавора замацоўваюцца напрамкі супрацоўніцтва мытных органаў дзвюх краін (інфармацыйнае ўзаемадзеянне, сумесны мытны кантроль, катэгараванне асоб, якія ажыццяўляюць мытныя аперацыі), стварэнне ў структуры Мытнага камітэта Саюзнай дзяржавы Міждзяржаўнага цэнтра для каардынацыі работы па кіраванні рызыкамі, а таксама рэалізацыі аналітычных функцый і маніторынгу ажыццяўлення мытных аперацый.

Дзяржаўны мытны камітэт Беларусі ўпаўнаважаны на правядзенне перагавораў па гэтым праекце дагавора і яго падпісанне пры дасягненні дамоўленасці ў межах адобранага праекта.