Больш за 24 тыс. чалавек адзначаць у санаторыях Беларусі навагоднія святы
Больш за 24 тыс. чалавек будуць знаходзіцца ў санаторыях на навагоднія святы, расказаў журналістам дырэктар Рэспубліканскага цэнтра па аздараўленні і санаторна-курортным лячэнні насельніцтва Генадзь Балбатоўскі, перадае карэспандэнт БЕЛТА.
"У перыяд навагодніх свят у санаторыях рэспублікі будзе знаходзіцца больш за 24 тыс. чалавек. З іх амаль палавіна - гэта замежныя грамадзяне", - сказаў Генадзь Балбатоўскі.
У санаторна-курортных установах будзе забяспечана бесперапыннасць лячэбнага працэсу, сумешчанага з насычанай праграмай. "Безумоўна, апагеем гэтага з'яўляецца навагодняя ноч, таму большасць адпачывальнікаў будзе ўдзельнічаць у навагодніх банкетах", - сказаў ён.
Дырэктар цэнтра адзначыў, што ўсе наведвальнікі санаторыяў удзельнічаюць у навагодніх праграмах, якія будуць прадаўжацца некалькі дзён.
Пуцёўкі пераважна набываюцца ў інтэрвале з 25 снежня па 7 студзеня. "Санаторыі ідуць рознымі шляхамі. Некаторыя рэгламентуюць гэтыя тэрміны. Некаторыя не рэгламентуюць тэрміны заезду-выезду. Тым не менш, у гэтыя два тыдні запаўняльнасць будзе стапрацэнтная", - сказаў Генадзь Балбатоўскі.
