Беларусь і Расія падпісалі міжурадавае пагадненне ў сферы абыходжання з адпрацаваным ядзерным палівам

Беларусь і Расія падпісалі міжурадавае пагадненне аб супрацоўніцтве ў сферы абыходжання з адпрацаваным ядзерным палівам. Подпісы пад дакументам паставілі міністр энергетыкі Беларусі Віктар Каранкевіч і генеральны дырэктар дзяржкарпарацыі "Расатам" Аляксей Ліхачоў у Сочы на палях міжнароднага форуму "Атамэкспа-2022", перадае карэспандэнт БЕЛТА.

Як растлумачылі ў прэс-службе Мінэнерга, пагадненнем вызначаецца парадак транспарціроўкі ў Расію адпрацаванага ядзернага паліва для яго часовага захоўвання з наступнай перапрацоўкай, а таксама вяртання ў Беларусь радыеактыўных адходаў.

Падпісанне пагаднення прадугледжана саюзнай праграмай па развіцці атамнай энергетыкі.