27 лістапада 2024
Беларусь і Пакістан заключылі пагадненне аб міжнародных аўтамабільных зносінах
Па выніках перагавораў Прэзідэнта Беларусі Аляксандра Лукашэнкі і прэм'ер-міністра Пакістана Шахбаза Шарыфа паміж урадамі дзвюх краін заключана пагадненне аб міжнародных аўтамабільных зносінах, перадае карэспандэнт БЕЛТА.
У дакуменце вызначаны парадак ажыццяўлення міжнародных аўтамабільных перавозак пасажыраў і грузаў, умовы ўзаемнага вызвалення перавозчыкаў ад выплаты мытных пошлін, падаткаў і збораў, звязаных з выкарыстаннем транспартных сродкаў.
Рэалізацыя гэтага дагавора будзе садзейнічаць развіццю супрацоўніцтва паміж Беларуссю і Пакістанам у галіне аўтамабільных перавозак, а таксама павелічэнню аб'ёмаў экспарту аўтатранспартных паслуг у напрамку Пакістана і сумежных краін.
