Беларусь і Азербайджан акрэслілі планы рзвіцця дзелавога супрацоўніцтва
Старшыня Беларускай гандлёва-прамысловай палаты (БелГПП) Міхаіл Мятлікаў сустрэўся з выканаўчым дырэктарам Агенцтва падтрымкі экспарту і інвестыцый Азербайджанскай Рэспублікі (AZPROMO) Юсіфам Абдулаевым, які прыбыў у Беларусь у рамках візіту ўрадавай дэлегацыі Азербайджана, паведамілі БЕЛТА ў прэс-службе БелГПП.
У час сустрэчы кіраўнікі партнёрскіх бізнес-асацыяцый абмеркавалі напрамкі для прадаўжэння эфектыўнага сурацоўніцтва, у тым ліку ў рамках мемарандумаў, падпісаных AZPROMO з БелГПП і яе ўнітарнымі прадпрыемствамі, а таксама планы па арганізацыі абмену візітамі дэлегацый бізнесу, правядзенні сумесных форумаў, удзелу прадпрыемстваў і арганізацый у міжнародных выставачных мерапрыемствах у Беларусі і Азербайджане.
Акрамя таго, на сустрэчы абмяркоўваліся пытанні аказання практычнай дапамогі развіццю ўзаемнага гандлю. У БелГПП акцэнтавалі ўвагу, што неабходна арганізоўваць тэматычныя мерапрыемствы па пытаннях, якія ў найбольшай ступені маюць цікавасць для бізнесу, напрыклад па тэматыцы пабудовы лагістычных ланцужкоў і правядзення фінансавых разлікаў, з мэтавым прыцягненнем спікераў і ўдзельнікаў.
Юсіф Абдулаеў прадставіў праект запуску вытворчасці мінеральнай вады "Ісцісу", якая прэзентавана сёння ў Гандлёвым доме Азербайджана. Пастаўка гэтага прадукту плануецца ў гандлёвыя сеткі Беларусі ў бліжэйшым будучым. Адкрыццё завода па вытворчасці мінеральнай вады "Ісцісу" адбылося літаральна некалькі тыдняў таму.
