З наступнага навучальнага года ў Беларусі ўвядуць другі элемент школьнай формы

З наступнага навучальнага года ў Беларусі ўвядуць другі элемент школьнай формы. Аб гэтым паведаміў міністр адукацыі Андрэй Іванец на падагульняючай калегіі камітэта па адукацыі Мінгарвыканкама, якая праходзіць у сталічнай гімназіі нумар 41, перадае карэспандэнт БЕЛТА.

"Безумоўна, адным з сур'ёзных момантаў выхаваўчай работы ва ўстановах агульнай сярэдняй адукацыі з'яўляецца ўведзены ў мінулым годзе адзіны элемент школьнай формы. Сёння школьнікі з задавальненнем выкарыстоўваюць яго і эмблемы школ. Практычна ўсе школы поўнасцю адаптаваліся да новаўвядзення. Выкананне школьнага стандарту і дзелавога стылю з'яўляецца абавязковым для ўсіх устаноў агульнай сярэдняй адукацыі. У бягучым годзе, мы лічым, усе школы дапоўняць выбраны элемент формы другім элементам. Гэта будзе прыводзіць да некаторай аднастайнасці і разумення - як у бацькоў, так і навучэнцаў - прыналежнасці да канкрэтнай установы агульнай адукацыі", - расказаў Андрэй Іванец.

Выбіраць другі элемент формы, як і ў мінулым годзе, будуць самі школы. "Напрыклад, калі ў мінулым годзе школа выбрала камізэльку, то ў гэтым годзе можна будзе дапоўніць яе, напрыклад, штанамі, або белай кашуляй, або гальштукам. Тут мы не абмяжоўваем у выбары. Бацькі разам з настаўнікамі павінны правесці шырокае абмеркаванне", - растлумачыў міністр.