2 жніўня 2021
Віцебскія дэсантнікі арганізавалі свята для гараджан
Ваеннаслужачыя 103-й віцебскай асобнай гвардзейскай паветрана-дэсантнай брыгады напярэдадні прафесійнага свята правялі на плошчы Перамогі грандыёзнае шоу. Тут адбыўся канцэрт, працавалі інтэрактыўныя зоны. На сцэне выступіў ваенны аркестр 103-й брыгады, ансамбль "103 рэгіён", байцы разведвальна-дэсантнай роты з паказальнай праграмай. Інтэрактыўныя зоны ўключалі ў сябе катанне на БТР, "Каймане", квадрацыкле. Жадаючыя змаглі пераадолець палосы перашкод (разбураны мост, лабірынт, скалу), пачаставацца салдацкай кашай, чаем, паглядзець выстаўку стралковай зброі і ваеннай тэхнікі.
