18 лістапада 2022
Валянціна Лукуша вырабляе творы мастацтва з прыродных матэрыялаў
У Валянціны Лукушы з гарадскога пасёлка Сураж Віцебскага раёна незвычайнае хобі. Сібірачка, якая жыве ў Беларусі ўжо шмат гадоў, стварае з прыродных матэрыялаў экалагічныя і непаўторныя творы мастацтва: карціны, пано, мэблю. Яна таксама робіць травяныя чаі, захоўваючы рэцэпты бабулі і маці. За сваё жыццё Валянціна Лукуша паспрабавала яшчэ шмат відаў прыкладной творчасці: шыццё, макрамэ, маляванне, выраб лялек, свечак і скураных сумачак.
