У Оршы на тэрыторыі сярэдняй школы №20 імя І.А. Флёрава адкрылі новую футбольную пляцоўку са штучным пакрыццём

- Адкрыццё пляцоўкі ўнясе значны ўклад у развіццё спартыўнага жыцця горада, - адзначыў падчас цырымоніі ўрачыстага адкрыцця аб'екта намеснік старшыні Аршанскага райвыканкама Віктар Калачоў. - Мы цесна супрацоўнічаем з Беларускай федэрацыяй футбола, і дзякуючы гэтаму ў нас ужо з'явіліся чатыры міні-футбольныя палі і адно поўнапамернае ў раёне СШ №5. Спадзяюся, што нашае супрацоўніцтва будзе працягвацца і далей – гэта агульная добрая справа.