19 верасня 2023
У Наваполацку прадставілі памятны знак "Летапіс горада"
Музей гісторыі і культуры Наваполацка прадставіў навапалачанам і гасцям нефтеграда новы аб'ект — памятны знак «Летапіс горада», паведаміў дырэктар гэтай установы культуры Уладзімір Бяляеў.
Знак усталяваны ля ўваходу ў музей, які ў гэтым годзе адзначае 55-гадовы юбілей, і ўяўляе сабой стылізаваную разгорнутую кнігу. На яе старонках размешчаны даты: злева «1958» – год заснавання горада, справа «1968» – год заснавання музея, і фраза «Захоўваем гісторыю горада для шчаслівага будучага». Яна падкрэслівае місію ўстановы культуры ў захаванні гістарычнай памяці, якая ў Наваполацку перадаецца з пакалення ў пакаленне ўжо цэлых 55 гадоў!
Дарэчы, як сцвярджае дырэктар музея, сімвалічную кніжку можна не толькі агледзець, але і пакратаць, што паспрыяе лепшаму засваенню ведаў навучэнцамі і студэнтамі падчас навучальнага года. Тым больш калі яны зазірнуць і ў музейныя залы, дзе адкрыюць для сябе шмат новага і цікавага.
Словам, з'явілася новая традыцыя, аналагічная той, што існуе ў Полацкім дзяржуніверсітэце, дзе студэнты перад сесіяй загадваюць жаданне каля помніка Школяру, які сустракае ўсіх на ўваходзе.
