Каля 600 т марожанага за год выпускае УП «ОршаСырЗавод»

Найбуйнейшы вытворца марожанага ў Віцебскай вобласці УП "ОршаСырЗавод" пастаянна нарошчвае аб'ёмы вытворчасці, а з надыходам лета робіць стаўку на запатрабаваны ласунак у гарачыню. З лістапада па сакавік прадпрыемства выпускае штомесяц ад 20 да 40 т. З надыходам цяпла аб'ёмы вытворчасці павялічваюцца, у чэрвені плануецца выпусціць 110 т. Штогод на заводзе выпускаюць каля 600 т марожанага.