Экспазіцыю з фондаў маскоўскага музея аб творчасці Рэпіна адкрыюць у "Здраўнёве" пад Віцебскам
![](https://dokshitsy.vitebsk-region.gov.by/images/storage/news/000582_335236.jpg)
Выстава "Рэпін і майстар, і мастак", прымеркаваная да 180-годдзя з дня нараджэння жывапісца і 160-годдзя з дня нараджэння Таццяны Сухоцінай-Талстой, адкрылася ў Музеі-сядзібе І.Рэпіна "Здраўнёва" ў Віцебскім раёне. Аб гэтым карэспандэнту БЕЛТА паведаміла старшы навуковы супрацоўнік музея Вольга Французава.
Экспазіцыя налічвае больш за паўсотні прадметаў з фондаў маскоўскага Дзяржаўнага музея Л.М.Талстога. Эцюды на розныя тэмы, партрэты членаў сям'і Талстых, іх бліжэйшага асяроддзя, сцэны жыцця ў Яснай Паляне, асабістая перапіска, эскізы - усе яны прысвечаны творчым і сяброўскім адносінам Ільі Рэпіна і старэйшай дачкі пісьменніка, мастачкі, мемуарысткі Таццяны Талстой, а таксама іх жыцця. У "Здраўнёве" прадстаўлены копіі работ.
Многія адрасаваныя сваёй вучаніцы пасланні Рэпін адпраўляў менавіта з дачнага дома пад Віцебскам. Сам дыялог прадаўжаўся дзесяцігоддзямі, майстар у пісьмах заклікаў малодшую калегу ні ў якім разе не кідаць жывапіс. Яны абмяркоўвалі мастацкі погляд, работы і творчасць у цэлым. Як адзначыла Вольга Французава, гэта перапіска, дзякуючы якой і стала вядома аб адпачынку мастака ў "Здраўнёве".
Віцебскі абласны краязнаўчы музей, філіялам якога з'яўляецца "Здраўнёва", і маскоўскі музей Л.М.Талстога цесна працуюць больш за два гады. Між імі падпісаны дагавор аб супрацоўніцтве, у рамках якога ўстановы рэалізуюць сумесныя праекты.
Выстава ў Музеі-сядзібе І.Я.Рэпіна "Здраўнёва" прымае наведвальнікаў з 11.00 да 19.00 (выхадныя - панядзелак, аўторак). У гасцей і жыхароў Віцебска ёсць магчымасць атрымаць асалоду ад творчасці Рэпіна і Талстой да 30 верасня ўключна.