У Докшыцах працаўнікоў сяла сабрала раённае свята «Дажынкі-2023»
У Докшыцкім раёне прайшло раённае свята "Дажынкі-2023", якое сабрала лепшых з лепшых прадстаўнікоў сельгасарганізацый. Дзякуючы іх клапатлівым рукам, вырашаюцца найважнейшыя сацыяльныя задачы, умацоўваецца харчовая і эканамічная бяспека нашай краіны.
З прывітальным словам да прысутных звярнуўся старшыня Докшыцкага раённага выканаўчага камітэта Алег Анатольевіч Кавалёнак.
Алег Анатольевіч зазначыў, што поспехі на палях і фермах даюцца нялёгка. Яны патрабуюць не толькі матэрыяльных і энергетычных рэсурсаў, але і сталага ўкладання часціцы высакароднасці душы земляроба. І, нягледзячы на няпростыя прыродныя ўмовы гэтага года, крызіс у сусветнай фінансавай і эканамічнай сістэмах, сельскагаспадарчую вытворчасць раёна не толькі захавала, але і палепшыла асобныя паказчыкі вытворчай дзейнасці. Нашы вяскоўцы заслугоўваюць самых добрых слоў у свой адрас за пастаянную адданасць зямлі, за сялянскую мудрасць і працавітасць, за высокую грамадзянскую адказнасць у забеспячэнні харчовай бяспекі дзяржавы.
Лепшыя калектывы, перадавікі вытворчасці ў галіне сельскай гаспадаркі, працаўнікі прадпрыемстваў перапрацоўчай прамысловасці ўзнагароджаны дыпломамі Докшыцкага раённага выканаўчага камітэта і Докшыцкага раённага Савету дэпутатаў.
Усіх прысутных ад упраўлення па сельскай гаспадарцы і харчаванні Докшыцкага райвыканкама павіншавала Наталля Уладзіміраўна Вараб'ёва, першы намеснік старшыні Докшыцкага раённага выканаўчага камітэта, начальнік упраўлення, уручыла граматы і падзякі лепшым камбайнерам, кіроўцам, аператарам машыннага даення, жывёлаводам, загадчыкам жывёлагадоўчых ферм, загадчыкаў жывёлагадоўчых ферм.
Маладыя работнікі арганізацый, якія робяць першыя крокі ў прафесійным станаўленні, паспяхова рэалізуюць праекты, прымаюць актыўны ўдзел у грамадскім жыцці раёна ўзнагароджаны падзякамі Докшыцкага раённага камітэта Грамадскага аб'яднання "Беларускі рэспубліканскі саюз моладзі". Узнагароды ўручыла першы сакратар раённага камітэта ГА «БРСМ» Яўгена Шаўра.
У гэты святочны дзень прагучалі падзякі і ў адрас ветэранаў сельскагаспадарчай вытворчасці, чые самаадданасць і працавітасць сфарміравалі гісторыю сельскай гаспадаркі раёна. Многія з іх і сёння перадаюць назапашаныя веды, свой багаты прафесійны вопыт маладым спецыялістам.
У фае кінаканцэртнай залы «Іскра» працавалі тэматычныя пляцоўкі.
Работнікамі культуры быў падрыхтаваны музычны. спектакль.