Кіраўніцтва раёна адрасавала віншаванне з Днём абаронцаў Айчыны і Узброеных Сіл Рэспублікі Беларусь
Паважаныя жыхары Докшыцкага раёна!
Сардэчна віншуем вас з Днём абаронцаў Айчыны і Узброеных Сіл Рэспублікі Беларусь.
23 лютага - сімвал мужнасці і патрыятызму. Гэта свята сведчыць аб вялізнай значнасці Узброеных Сіл, аб нязменнасці маральных каштоўнасцей, сярод якіх галоўнымі застаюцца патрыятызм, гераізм, любоў да Радзімы і гатоўнасць абараняць яе інтарэсы.
У гэты дзень мы з падзякай звяртаемся да тых, для каго служба сваёй краіне стала пакліканнем. З асаблівай душэўнай цеплынёй мы жадаем здароўя ветэранам, якія абаранілі нашу Радзіму на палях бітваў. У гэта свята мы віншуем усіх мужчын і прамаўляем у іх адрас самыя цёплыя і важныя словы.
Жадаем усім моцнага здароўя, поспеху, радасці і шчасця. Няхай у кожным доме будзе дабрабыт, а на нашай роднай зямлі - мір і спакой.
Раённы выканаўчы камітэтРаённы Савет дэпутатаў