Кіраўніцтва Докшыцкага раёна віншуе з Днём жанчын
Дарагія жанчыны!
Прыміце шчырыя віншаванні з выдатным вясновым святам - Днём жанчын!
Жанчына, як і вясна, сімвалізуе пачатак жыцця, працяг роду, прыгажосць свету. Вы выпраменьваеце гармонію і спакой, дорыце блізкім цяпло і клопат, з'яўляецеся надзейнымі захавальніцамі хатняга агменю і служыце крыніцай натхнення для шматлікіх дасягненняў.
Сёння мы дзякуем прадстаўніцам прыгожай паловы чалавецтва за вялікі ўклад ва ўсе сферы жыцця грамадства. Неацэнная ваша роля ў развіцці прамысловасці і сельскай гаспадаркі, аховы здароўя і адукацыі, культуры і навукі, сістэмы дзяржаўнага кіравання і бізнесу. Вы з'яўляецеся захавальніцамі сямейных каштоўнасцяў і перадаеце іх маладому пакаленню.
Мы схіляемся перад чалавечым подзвігам жанчын у гады Вялікай Айчыннай вайны, матчынай мужнасцю салдацкіх удоў і маці.
Наша шчырая ўдзячнасць - усім жанчынам старэйшага пакалення, якія самааддана працавалі на карысць роднай зямлі.
Няхай святочныя і буднія дні будуць напоўнены добрым настроем, павагай і ўвагай, радасцю і поспехам.
Жадаем усім вясновага квітнеючага настрою, выдатных слоў і ўчынкаў, прыемных запамінальных сюрпрызаў, здароўя і шчасця, новых поспехаў і здзяйсненняў! Хай побач з вамі знаходзяцца годныя і надзейныя мужчыны, а вашы хаты будуць поўнай чарай, напоўненыя мірам, цеплынёй і каханнем.