Кіраўніцтва Докшыцкага раёна віншуе з Днём аховы навакольнага асяроддзя!
![](https://dokshitsy.vitebsk-region.gov.by/images/storage/news/000583_432898.jpg)
Паважаныя работнікі і ветэраны Докшыцкай раённай інспекцыі прыродных рэсурсаў і навакольнага асяроддзя!
Прыміце шчырыя і цёплыя віншаванні з прафесійным святам!
Ахова навакольнага асяроддзя - наша агульная справа, і сённяшняе свята - гэта нагода яшчэ раз задумацца аб тым, што кожны з нас можа зрабіць у справе аховы прыроды роднага краю. Нам пашанцавала, што мы жывем у краі ўнікальных прыродных комплексаў з багатымі лясамі, запаведнымі месцамі, азёрамі. Зямля - наш агульны дом, наша галоўнае багацце, і мы ў адказе за тое, якой пакінем яе ў спадчыну будучым пакаленням.
У гэты святочны дзень хочацца выказаць словы падзякі ўсім, хто па абавязку службы або па прызванні сэрца сваёй працай і беражлівым стаўленнем да прыроды робіць неацэнны ўклад у аздараўленне навакольнага асяроддзя і памнажэнне багаццяў роднай прыроды.
Жадаем вам моцнага здароўя, чыстага неба, квітнеючай зямлі, адзінства ў справе абароны прыроды, сямейнага шчасця, аптымізму і дабрабыту.
Раённы выканаўчы камітэт
Раённы Савет дэпутатаў