Кіраўніцтва Докшыцкага раёна адрасавала віншаванне з Днём работнікаў культуры
Паважаныя работнікі і ветэраны сферы культуры!
Прыміце шчырыя віншаванні з прафесійным святам!
У работнікаў культуры асаблівая роля. Ваша праца падтрымлівае здаровае развіццё асобы і любоў да творчасці, робіць наша жыццё больш прывабным і разнастайным. Вы шчодра аддаяце людзям багацце сваёй душы, дорыце радасць зносін з выдатным.
Дзякуючы вашым ідэям і карпатлівай працы Докшыцкі раён жыве цікавым жыццём. Многія святы, конкурсы, фестывалі, якія праводзяцца ў раёне, сталі традыцыйнымі і карыстаюцца вялікай папулярнасцю сярод насельніцтва.
Упэўнены, што і ў далейшым ваша стваральная праца, талент і майстэрства будуць знаходзіць самы гарачы водгук у сэрцах жыхароў і гасцей Докшыччыны.
Прыміце словы падзякі за прафесіяналізм, любоў да прыгожага і імкненне прывіць гэтую любоў іншым. Жадаем вам натхнення, творчага пошуку і новых дасягненняў! Дабра, дабрабыту і кахання!