18 мая 2024 года кіраўніцтва раёна адрасавала віншаванне работнікам і ветэранам фізічнай культуры і спорту

Паважаныя спартсмены, трэнеры, ветэраны спорту, спартсмены-навучэнцы, работнікі фізічнай культуры, актывісты фізкультурнага руху!Віншуем вас са святам - Днём работнікаў фізічнайкультуры і спорту!

Фізкультура і спорт з'яўляюцца важнымі сродкамі вырашэння многіх сацыяльных праблем, выхавання моцнай і таленавітай моладзі, павышэння яе фізічнай і маральнай культуры,умацавання здароўя людзей, арганізацыі вольнага часу насельніцтва.

Выказваем шчырую ўдзячнасць усім тым, для каго фізкультура і спорт сталі прафесіяй і ладам жыцця.

Дзякуючы сваёй мэтанакіраванасці і адказнасці нашы юныя спартсмены годна прадстаўляюць Докшыцкі раён на спаборніцтвах рознага ўзроўню, дамагаюцца высокіх вынікаў і ўслаўляюць сваімі дасягненнямі родны край.

Жадаем усім моцнага здароўя, міру, дабра, аптымізму, спартыўнага ўдасканалення, удалых стартаў і новых перамог на спартыўных арэнах.

Докшыцкі раённы выканаўчы камітэт

Докшыцкі раённы Савет дэпутатаў