12 сентября 2024

Урачыстасць, прысвечаная ўспаміну імя Найсвяцейшай Панны Марыі і 120-годдзю касцёла ў вёсцы Параф'янава Докшыцкага раёна

Сёння ў Параф’янаве адбылася ўрачыстасць, прысвечаная ўспаміну імя Найсвяцейшай Панны Марыі і 120-годдзю касцёла.

Радасць з каталіцкімі вернікамі прыехаў раздзяліць біскуп Віцебскі Алег Буткевіч і прадстаўнікі духавенства Віцебскай дыяцэзіі.

Падчас Імшы біскуп адзначыў, што менавіта Найсвяцейшае Імя Марыі здольна абудзіць нашу веру ў тое, што мы ўсе з’яўляемся Божымі дзецьмі.

Прывітальны адрас ад старшыні райвыканкама Сяргея Абіралы і старшыні раённага Савета дэпутатаў Валянціны Рандарэвіч з нагоды юбілейнай даты касцёла зачытала намеснік старшыні райвыканкама Марына Клімовіч.