Адрас: 211722, г.Докшыцы,
вул.Ленінская, д.31
Прыёмная:
8 (02157) 3-25-10 з 8.00 да 17.00
Факс:
8 (02157) 3-25-11
Электронная пошта райвыканкама:
rikdok@vitebsk.by
Мінскае аддзяленне Беларускай гандлёва-прамысловай палаты і Палата гандлю, прамысловасці, шахт і сельскай гаспадаркі Тэгерана (Іран) падпісалі пагадненне аб супрацоўніцтве ў час дзелавога візіту прадстаўнікоў мінскага аддзялення ў Тэгеран, паведамілі БЕЛТА ў прэс-службе БелГПП.
У час візіту адбыўся бізнес-форум "Іран - Беларусь". Генеральны дырэктар Мінскага аддзялення БелГПП Сяргей Набешка выступіў з прэзентацыяй "Рэспубліка Беларусь - ваш надзейны партнёр", звярнуўшы ўвагу на магчымасці і інструменты аказання садзейнічання для бізнесу дзвюх краін па павелічэнні ўзаемнага тавараабароту. Прэзідэнт Тэгеранскай палаты гандлю, прамысловасці, шахт і сельскай гаспадаркі Махмуд Ніяфі Араб выказаў зацікаўленасць у развіцці міжпалатаўскага супрацоўніцтва на карысць устойлівага развіцця краін.
Па выніках афіцыйнай часткі бізнес-форуму падпісана пагадненне аб супрацоўніцтве паміж Мінскім аддзяленнем БелГПП і Тэгеранскай палатай гандлю, прамысловасці, шахт і сельскай гаспадаркі, якое надасць дадатковы імпульс развіццю беларуска-іранскіх дзелавых адносін. Пасля гэтага адбыліся двухбаковыя перагаворы паміж прадстаўнікамі бізнесу дзвюх краін. У час дзелавога візіту прадстаўнікі беларускіх прадпрыемстваў наведалі Міністэрства прамысловасці і гандлю Ірана, а таксама шэраг іранскіх кампаній.