Адрас: 211722, г.Докшыцы,
вул.Ленінская, д.31
Прыёмная:
8 (02157) 3-25-10 з 8.00 да 17.00
Факс:
8 (02157) 3-25-11
Электронная пошта райвыканкама:
rikdok@vitebsk.by
26 чэрвеня, Мінск /Кар. БЕЛТА/. Дні культуры Кітая ў Беларусі плануецца правесці ў 2024 годзе. Гэта вынікае з інфармацыі, апублікаванай у Telegram-канале Міністэрства культуры, паведамляе БЕЛТА.
Перспектывы ўзаемадзеяння ў культурнай сферы паміж Беларуссю і Кітаем абмяркоўваліся сёння ў Міністэрстве культуры ў час падрыхтоўкі да пасяджэння беларуска-кітайскага міжурадавага камітэта па супрацоўніцтве, якое адбудзецца ў Пекіне ў ліпені 2023 года.
З прадстаўнікамі пасольства КНР у Беларусі абмеркаваны пытанні правядзення Дзён культуры Кітая ў Беларусі ў 2024 годзе, рэалізацыі сумесных праектаў у кінематаграфіі, гаворыцца ў паведамленні.
Таксама адзначаецца, што Міністэрства культуры Беларусі прапануе маладым мастакам з Кітая прыняць удзел у праекце "Летняя школа" ў Беларускай дзяржаўнай акадэміі мастацтваў.
Бакі выказалі зацікаўленасць у арганізацыі камерцыйных гастролей творчых калектываў дзвюх краін. Абмяркоўвалася супрацоўніцтва і па іншых актуальных напрамках.