Белкаапсаюз: больш за 90 працэнтаў закупленых яблыкаў адпраўляецца на перапрацоўчыя прадпрыемствы краіны

Больш за 90 працэнтаў закупленых Белкаапсаюзам у насельніцтва яблыкаў адпраўляецца на перапрацоўчыя прадпрыемствы. Аб гэтым паведамілі БЕЛТА ў прэс-службе Беларускага рэспубліканскага саюза спажывецкіх таварыстваў.

Белкаапсаюз прадаўжае нарыхтоўку яблыкаў і іншай сельскагаспадарчай прадукцыі. Ужо закупена 12,8 тыс.т яблыкаў, у тым ліку ў насельніцтва каля 11 тыс.т.

"Больш за ўсё прыпадае на Магілёўскую вобласць - 4,3 тыс.т. Цэны на яблыкі апад скадаюць Br0,11-0,23 за 1 кг, а таварныя яблыкі прымаюць па Br1-1,8. Больш за 90 працэнтаў закупленых яблыкаў адпраўляецца на перапрацоўчыя прадпрыемствы рэспублікі, уключаючы кааператыўныя. Таварныя яблыкі рэалізуюцца ў магазінах спажыўкааперацыі, на рынках, у грамадскім харчаванні, ідуць на экспарт", - расказалі ў прэс-службе. 

Актыўна вядзе нарыхтоўку яблыкаў Брэсцкі аблспажыўсаюз - ужо закуплена 2 тыс.т у насельніцтва і фермераў.

"Нашы беларускія таварныя яблыкі мы рэалізуем, у першую чаргу, у магазінах уласнай гандлёвай сеткі, - падкрэсліў першы намеснік старшыні праўлення Брэсцкага аблспажыўсаюза Аляксей Макарэвіч. - Рыхтуемся да сезона сельскагаспадарчых кірмашоў не толькі ў рэгіёне, але і ў Мінску".