Адрас: 211722, г.Докшыцы,
вул.Ленінская, д.31
Прыёмная:
8 (02157) 3-25-10 з 8.00 да 17.00
Факс:
8 (02157) 3-25-11
Электронная пошта райвыканкама:
rikdok@vitebsk.by
Намеснік міністра замежных спраў Рэспублікі Беларусь, Надзвычайны і Паўнамоцны Пасол Беларусі пры Святым Прастоле (па сумяшчальніцтве) Сяргей Алейнік 10-11 студзеня наведвае з візітам Ватыкан. Аб гэтым карэспандэнту БЕЛТА паведамілі ў прэс-службе беларускага знешнепалітычнага ведамства.
Сяргей Алейнік 10 студзеня прыняў удзел ва ўрачыстай навагодняй аўдыенцыі Папы Рымскага Францыска I для дыпламатычнага корпуса, акрэдытаванага пры Святым Прастоле.
Пасля аўдыенцыі адбыліся перагаворы намесніка кіраўніка МЗС Беларусі з дзяржаўным сакратаром Святога Прастола кардыналам П'етра Паралінам. Бакі абмеркавалі актуальныя пытанні двухбаковага супрацоўніцтва, узаемадзеянне ў рамках міжнародных арганізацый, а таксама сумесныя намаганні па ўмацаванні міжканфесійнага дыялогу.
Запланаваны таксама сустрэчы Сяргея Алейніка з сакратаром па адносінах з дзяржавамі (міністрам замежных спраў) Дзяржаўнага сакратарыята Святога Прастола архібіскупам Полам Рычардам Галахером і са старшынёй Папскага Савета па садзейнічанні Хрысціянскаму Адзінству кардыналам Куртам Кохам.
