Жыццё на карысць Радзімы

У вёсцы Будзілаўцы Бягомльскага сельсавета 30 ліпеня 2021 года прайшла дыялогавая пляцоўка на тэму «Жыццё на карысць Радзімы» з удзелам прадстаўнікоў маладзёжнага актыву Докшыцкага раёна. На дыскусійнай платформе ў ролі мадэратараў выступілі: Печань Н.А., ураджэнец в.Будзілаўка Бягомльскага сельсавета, прафесар, доктар гістарычных навук, ветэран баявых дзеянняў, палкоўнік у адстаўцы, Рандарэвiч В.Ю., старшыня Докшыцкага раённага Савета дэпутатаў, Палачаніна О.Э., намеснік старшыні Докшыцкага раённага выканаўчага камітэта.

У ходзе размовы з моладдзю эксперты абмеркавалі пытанні грамадзянска-патрыятычнага выхавання моладзі, захавання гістарычнай памяці аб земляках - удзельніках розных войнаў, вялікай ролі малой радзімы ў лёсе кожнага чалавека. Таксама на сустрэчы ішла гаворка пра значэнне і ролі дзяржаўных сімвалаў у жыцці грамадзяніна. У ходзе дыялогу адбыўся абмен думкамі па пытаннях патрыятычных ідэалаў сучаснай моладзі, развіцці лідэрскіх якасцяў.