У Сітцаўскім сельсавеце павіншавалі ветэрана ВАВ Уладзіміра Бурдыка

У Сітцаўскім сельсавеце прайшло ўрачыстае мерапрыемства, прысвечанае 79-й гадавіне Перамогі ў Вялікай Айчыннай вайне і 80-годдзю вызвалення Беларусі ад нямецка-фашысцкіх захопнікаў.

Ганаровым госцем урачыстасці стаў ветэран Вялікай Айчыннай вайны Уладзімір Васільевіч Бурдыка.

У мерапрыемстве прынялі ўдзел старшыня райвыканкама Сяргей Абірала і старшыня раённага Савета дэпутатаў Валянціна Рандарэвіч, а таксама камісар раёна Віталь Леснічэнка, старшыня раённай арганізацыі ГА "Белая Русь" Алена Таляронак, старшыня раённай арганізацыі Беларускага Чырвонага Крыжа Чэслава Цяжкая, благачынны Докшыцкай царкоўнай акругі Леанід Стрэха.

Уладзімір Бурдыка і Сяргей Абірала пасадзілі на тэрыторыі школы яблыньку як сімвал міру і стварэння. Гатунак дрэўца абралі сімвалічны - "Слава пераможцам". Дапамагала ім лепшая вучаніца Яўгенiя Зайцава.

З прывітальным словам да прысутных звярнуліся старшыня райвыканкама Сяргей Абірала, старшыня Сітцаўскага сельскага Савета дэпутатаў Наталля Каляда і камісар раёна Віталь Ляснічэнка, які уручыў ветэрану юбілейны медаль "80 гадоў вызвалення Беларусі ад нямецка-фашысцкіх захопнікаў". Таксама Уладзіміру Бурдыка перадалі танометр ад Беларускага Чырвонага Крыжа і падарункі ад РА ГА "Белая Русь" і Докшыцкага ТЦСАН.

Пасля мітынгу госці, школьнікі і педагогі ўсклалі кветкі да помніка.