У Глыбокім прайшоў навукова-практычны форум «Інтэлектуальная моладзь: ад SMART-ініцыятывы да SMART-горада»

У Глыбокім прайшоў навукова-практычны форум «Інтэлектуальная моладзь: ад SMART-ініцыятывы да SMART-горада». Iдэя арганізацыі важнай, маштабнай сустрэчы належала старшыні Палаты прадстаўнікоў Нацыянальнага сходу Рэспублікі Беларусь Уладзіміру Андрэйчанка.

Напярэдадні VI Усебеларускага народнага сходу было праведзена шмат розных дыялогавых пляцовак. Улічваючы шырокую палітру прапанаваных да абмеркавання тэм, зацікаўленасць моладзі ў вырашэнні актуальных пытанняў развіцця беларускага дзяржавы і грамадства, Уладзімір Паўлавіч і прапанаваў правесці ў Глыбокім навукова-практычны форум.

У прывітальным слове, адрасаваным удзельнікам форуму, Уладзімір Андрэйчанка адзначыў, што дадзенае мерапрыемства накіравана на ажыццяўленне ў жыццё аднаго з ключавых пасылаў кіраўніка дзяржавы - даць магчымасць моладзі з яе ўласнымі поглядамі і каштоўнаснымі ўстаноўкамі на роўных са старэйшымі ўключыцца ў работу па рэалізацыі прыярытэтаў і асноўных кірункаў развіцця краіны. Адкрыты канструктыўны абмен думкамі па прапанаваных тэмах прынясе новыя крэатыўныя ідэі, і вызначыць алгарытм іх рэалізацыі.

У працы форуму прымала ўдзел моладзь Докшыцкага, Глыбоцкага і Ушацкага раёнаў, а таксама дэпутаты Палаты прадстаўнікоў Нацыянальнага сходу Рэспублікі Беларусь, прадстаўнікі Міністэрства сувязі і інфарматызацыі, Савета маладых вучоных Нацыянальнай акадэміі навук Беларусі, Кітайска-Беларускага індустрыяльнага парку «Вялікі камень», прадстаўнікі профільных падраздзяленняў абласнога і раённых выканаўчых камітэтаў.

На форуме казалі пра складанасць і важнасць фізіка-тэхнічных, сучасных біятэхналогій, выкарыстоўваемых інфармацыйных тэхналогіях у медыцыне, асаблівая ўвага была ўдзелена пытанню эфектыўнасці ўкаранення інавацыйнага аграпрамысловага комплексу. Выступ аб новых гатунках вішні і чарэшні беларускай селекцыі глубачане слухалі з неменьшей цікавасцю.

Старшыня Савета маладых навукоўцаў Нацыянальнай акадэміі навук Беларусі, намеснік старшыні Пастаяннай камісіі Савета Рэспублікі Нацыянальнага сходу Рэспублікі Беларусь па адукацыі, навуцы, культуры і сацыяльным развіцці Андрэй Іванец прапанаваў да абмеркавання тэму «Моладзь і новыя гарызонты навукі».

У сваю чаргу член перспектыўнага кадравага рэзерву Глыбоцкага раёна Таццяна Малец назвала рэалізацыю маладзёжных ініцыятыў - дзейсным спосабам уключэння моладзі ў грамадска-значную дзейнасць. І прывяла  шэраг важкіх довадаў. Таксама яна прадаставіла відэа-справаздачу аб праведзеным апытанні сярод дзяцей і падлеткаў Глыбоцкага, Ушацкага і Докшыцкага раёнаў. Усе агучаныя прапановы будуць уважліва вывучаны і па магчымасці рэалізаваны.

Дарэчы, мясцовай моладзі ёсць чым ганарыцца. Гэткі амбіцыйны і небеспадстаўны лозунг як нельга лепш раскрывае сутнасць арганізаванай у рамках форуму выставы-прэзентацыі «Дасягненні моладзі сёння - паспяховае развіццё і росквіт краіны заўтра». У адной зале былі прэзентаваны дзесяткі ўнікальных ідэй і інавацыйных праектаў, што рэалізуюцца моладдзю ў спорце, жывапісе, адукацыі, культуры.

Паказалі унікальную батлейку, створаную для асаблівых гледачоў, якія, напрыклад, дрэнна бачаць або чуюць, прапаноўвалі адправіцца ў віртуальны тур па Глыбоччыне або паназіраць за рухаючымicя, танцуючымі, святлівымі робатамі, па-майстэрску зробленымі навучэнцамі Глыбоцкай раённай гімназіі, Ламашэўскай і Азярэцкай дзіцячы сад- сярэдніх школ. У ліку прадстаўленых работ быў, напрыклад, створаны з дробных дэталяў спiрограф, які стварае ўнікальныя малюнкі на белым аркушы паперы.

У сваім выступе старшыня Глыбоцкага раённага Савета дэпутатаў Вера Цяліца падкрэсліла, што мэта сустрэчы і заключалася ў магчымасці абмеркаваць, узгадніць перспектыўныя напрамкі ўзаемадзеяння па стварэнні і ўкараненні перадавых распрацовак у сферах адукацыі, аховы здароўя і разумнай трансфармацыі гарадской інфраструктуры не толькі ў буйных гарадах, але і ў невялікіх населеных пунктах.

- Гэты форум - яркі прыклад таго, як моладзь на роўных са старэйшымі актыўна падключаецца да вырашэння актуальных задач сацыяльна-эканамічнага і грамадска-палітычнага развіцця краіны, - падкрэсліла Вера Міхайлаўна. - Адметна, што гэтае мерапрыемства праходзіць у Год народнага адзінства. Сапраўды, толькі аб'яднаўшы існуючы патэнцыял, энергію і інтэлект мы здольныя паспяхова выканаць задачы любой складанасці. Упэўнена, што ўдзельнікі мерапрыемства знайшлі новых сяброў, аднадумцаў, партнёраў, гатовых сумеснымі намаганнямі рабіць будучыню сучаснасцю.

Фота Дыяны Берніковіч.

Крыніца: vitvesti.by