У фае Докшыцкага ДЦК адкрылася выстава работ дзяцей і моладзі з абмежаванымі магчымасцямі

У фае Докшыцкага ДЦК адкрылася выстава выяўленчай і дэкаратыўна-прыкладной творчасці дзяцей і моладзі з абмежаванымі магчымасцямі "Творчасць без межаў" у рамках фестывалю "Сонечны круг".

Ганаровымі гасцямі мерапрыемства сталі старшыня райвыканкама Алег Кавалёнак, старшыня раённага Савета дэпутатаў Валянціна Рандарэвіч і намеснік старшыні райвыканкама Аксана Палачаніна.

З прывітальным словам да ўдзельнікаў урачыстасці звярнуўся Алег Кавалёнак, які ўручыў аўтарам творчых работ дыпломы і падарункі. Спецыяльным прызам, заснаваным грамадскімі аб'яднаннямі "Белая Русь" і "Беларускі саюз жанчын", узнагароджаны самы юны ўдзельнік выставы - Валянцін Таберка.

На свяце прагучалі музычныя падарункі ў выкананні фолк-групы "Пацэркі" Докшыцкай ДШМ імя М. Сакалоўскага. Радасна сустрэлі хлопцы казачных герояў Снегавіка і Шчанка, якія запрасілі ўсіх паўдзельнічаць у гульнявой праграме. У гэтым ім дапамог калектыў Докшыцкай батлейкі Патупчыка. Шмат жадаючых знайшлося паўдзельнічаць у творчых майстар-класах, якія правялі педагогі Цэнтра дзяцей і моладзі, майстры Дома рамёстваў і спецыялісты аддзялення дзённага прабывання інвалідаў.

Выстава будзе працаваць два тыдні.

Крыніца з фота:  https://www.dokshitsy.by/2022/12/detej-i-molodyozhi-s-ogranichennymi-vozmozhnostyami/