У Докшыцкім раёне сфарміраваны студэнцкія атрады

Урокі і школьныя званкі засталіся ззаду. Наступілі доўгачаканыя летнія канікулы. З кожным годам моладзь сталее ўсё хутчэй і жадаючых зарабляць грошы, а таксама самастойна імі распараджацца становіцца ўсё больш і больш.

У Докшыцкім раёне райкам ГА «БРСМ» дае магчымасць маладым людзям рэалізаваць свае матэрыяльныя мары ў рэальнасць, падаючы рабочыя месца на аб'ектах сельскай гаспадаркі. Атрад навучэнцаў фармуюць задоўга да апошняга званка ў школе.

Усяго сфарміравана 6 атрадаў. На дадзены момант працаўладкавана 76 чалавек: у ГП «АграСiтцы» - 13 чалавек, КУП «Докшыцкі» - 15, Бягомльскі лясгас - 15, ААТ «Барсучанка» (пачынае сваю працу ў канцы ліпеня), ААТ «Таргуны» і лагер «Бярозка» (ужо адпрацаваў) - 17. Прымаюць на сельскагаспадарчыя аб'екты з 14 гадоў. У ААТ «Таргуны» працуюць 16 чалавек.

На сённяшні дзень на агракомплексе ў Таргунах у атрадзе працуюць 15 юнакоў і дзяўчына ў дзве змены. У кожнай - 8 чалавек. Графік працы вар'іруецца ў залежнасці ад узросту. Навучэнцам ва ўзросце ад 14 да 16 гадоў дазваляецца працаваць з 8:00 да 13:00, а тым, хто ўжо дасягнуў шаснаццацігоддзя - з 8:00 да 15:00. На працягу ўсяго лета прадастаўляецца праца для моладзі. Курыруе групу практыкант сельгасакадэміі Андрэй Каляга.

Па словах хлопцаў, працаваць не складана, улічваючы, што другая палова дня вольная, а субота і нядзеля цалкам прадастаўлены для адпачынку. Маладыя людзі прыбіраюць тэрыторыі, праполваюць некаторыя ўгоддзі, а таксама дапамагаюць супрацоўнікам арганізацыі. Адзіным недахопам, па словах хлопцаў, з'яўляецца дарога ў 6 кіламетраў, якую самастойна даводзіцца пераадольваць штодня на шляху з Докшыц у Таргуны і назад. Аднак і гэта не спыняе юных паляводаў, усё-ткі «праца загартоўвае моладзь».

Варанковіч Анастасія

https://www.dokshitsy.by/2021/07/studencheskie-otryady/