Адрас: 211722, г.Докшыцы,
вул.Ленінская, д.31
Прыёмная:
8 (02157) 3-25-10 з 8.00 да 17.00
Факс:
8 (02157) 3-25-11
Электронная пошта райвыканкама:
rikdok@vitebsk.by
Ва ўрачыстым адкрыцці фестывалю прынялі ўдзел старшыня Віцебскага абласнога Савета дэпутатаў Уладзімір Цярэнцьеў, старшыня Пастаяннай камісіі Палаты прадстаўнікоў Нацыянальнага сходу Рэспублікі Беларусь па ахове здароўя, фізічнай культуры, сямейнай і маладзёжнай палітыцы Людміла Макарына-Кібак, дэлегацыі з горада-пабраціма Расійскай Федэрацыі – Палкіна Пскоўскай вобласці, з г.Пячоры Пскоўскай вобласці.
У рамках фэсту траў прайшлі тэматычныя пляцоўкі і форум «Гаючыя сіла раслін».
Адбылася прэзентацыя турыстычнага маршруту «Жыватворны шлях», дзе журналісты пазнаёміліся з гісторыяй Докшыцкага краю.
У этнасядзібе «Вецяра» можна было паўдзельнічаць у старажытным вясельным абрадзе. Не абышлося на сядзібе і без дэгустацыі беларускіх страў ад народнага клуба нацыянальнай кухні і гульні "Шчадроўка".
Тэатры моды ўстаноў адукацыі прадставілі свае працы на дэфіле-конкурсе "Травяны эксклюзіў". Жадаючыя паспаборнічалі ў стварэнні букетаў на хуткасць у «Кветкавым батле».
На конкурсных пляцоўках можна было не толькі пакаштаваць травяныя чаі, але і выбраць лепшы ў конкурсе «Докшыцкае чаяванне».
Прыемны сюрпрыз чакаў гурманаў. Знакаміты "Сырны разгуляй" прапанаваў гасцям прадэгуставаць розныя віды сыру. Вельмі шмат розных пачастункаў можна было пакаштаваць і на «Смачным фальварку».
Фінальным акордам свята прагучаў музычна-тэатралізаваны паказ "Зямля, сагрэтая любоўю", спецыяльным госцем якога стаў народны вакальны калектыў "Велея казачая".