У Докшыцах асабісты прыём грамадзян правёў Анатоль Сіўко

Сёння ў Докшыцкiм райвыканкаме асабісты прыём грамадзян правёў дэпутат Палаты прадстаўнікоў Нацыянальнага сходу Рэспублікі Беларусь па Докшыцкай выбарчай акрузе Анатоль Сіўко.

Удзел у ім прыняў старшыня райвыканкама Сяргей Абірала.

З рознымі пытаннямі да дэпутата звярнуліся докшычане, а таксама жыхары в. Вітунічы Бярозкаўскага сельсавета і г.п. Бягомль.

Жыхарка райцэнтра прасіла дапамогі ў вырашэнні пытання наконт набыцця жылля згодна з Указам Прэзідэнта Рэспублікі Беларусь № 13.

Бягомльчаніна цікавіла, калі ў гарпасёлку будуць заасфальтаваны вуліцы П. Панчанкі, Бірукова і Машэрава.

Іншых заяўнікоў хвалявалі пытанні, якія тычацца прыватызацыі кватэры, выдзялення зямельнага ўчастка, а таксама спынення аўтамагазіна ў сельскім населеным пункце.

Па ўсіх пытаннях дадзены тлумачэнні. Асобныя пытанні ўзяты пад асабісты кантроль дэпутата Палаты прадстаўнікоў.