5 студзеня 2023
Супольнасць «Докшыцы Live» прызнана экстрэмісцкай
Інфармацыйная прадукцыя суполкі ў сацыяльнай сетцы «УКантакце» з назвай «Докшыцы Live» прызнана экстрэмісцкай.
Такое рашэнне прынятае судом Чашніцкага раёна 23 снежня 2022 года. Пракурор раёна Алег Несцяронак паведаміў, што ў дачыненні да стваральнікаў, адміністратараў, актыўных удзельнікаў, якія займаліся рэпостамі і іншай папулярызацыяй рэсурсу, будуць узнімацца пытанні аб адміністрацыйнай або крымінальнай адказнасці.
Нагадаем, што раней была ўнесена ў рэспубліканскі спіс экстрэмісцкіх матэрыялаў прадукцыя Telegram-груп "Докшыцы для жыцця!" і "Begoml".
Каб не стаць выпадковым распаўсюджвальнікам забароненай інфармацыі, лепш адпісацца ад указаных рэсурсаў.
