Сенатар Наталля Марковіч правяла сустрэчу з калектывам Цэнтра па забеспячэнні дзейнасці бюджэтных арганізацый у Докшыцах

Сенатар Наталля Марковіч, якая прадстаўляе ў Савеце Рэспублікі Докшыцкі, Глыбоцкі, Лепельскі і Ушацкі раёны, правяла сустрэчу з калектывам Цэнтра па забеспячэнні дзейнасці бюджэтных арганізацый. Да размовы далучылася старшыня раённага Савета дэпутатаў Валянціна Рандарэвіч.

Звяртаючыся да прысутных, Наталля Мікалаеўна цёпла падзякавала кіраўніцтву Докшыцкага раёна за магчымасць бываць на знакавых брэндавых мерапрыемствах. Яна таксама адзначыла, што прыемна бачыць тое, як горад прырастае новай жылой забудовай і колькі ўвагі ў рэгіёне надаецца пытанням добраўпарадкавання і навядзення парадку на зямлі.

– У цэлым за апошнія 30 гадоў змяніліся як малыя населеныя пункты, так і ўся краіна ў цэлым. Вядома, парадак неабходна падтрымліваць увесь час, гэта адна з візітных картак нашай краіны. Невыпадкова Кіраўнік дзяржавы першым Указам у 2025 годзе аб'явіў яго Годам добраўпарадкавання. Адзначаецца і значны рост эканомікі: нашы тавары, тэхніка, харчовая група добра вядомы ў краінах СНД і не толькі. Але галоўнае – гэта мірнае неба над галавой і спакой грамадзян, усё тое, што ўдалося захаваць у Беларусі, дзякуючы граматнай палітыцы.

Наталля Мікалаеўна адзначыла, што свой выбар яна ўжо зрабіла і заклікала датэрмінова або ў асноўны дзень галасавання на выбарах Прэзідэнта Беларусі прыйсці на выбарчы ўчастак і выбраць тое жыццё, якім будзем жыць мы і нашы дзеці.

У дадатак да сказанага Валянціна Рандарэвіч падзялілася самымі яскравымі ўражаннямі ад наведвання маштабнай выставы "Мая Беларусь", дзе сабраныя дасягненні суверэннай Беларусі. Выставу наведалі ўжо каля 200 тысяч чалавек. Валянціна Юр'еўна адзначыла, што гэты маштабны праект можа быць аднолькава цікавы і для арганізацыі калектыўнай паездкі, і для сямейнага наведвання, таму што на вялізнай тэрыторыі сабрана мноства інтэрактыўных лакацый, у тым ліку і для дзяцей.

dokshitsy.by