Пашыранае пасяджэнне савета аддзела культуры Докшыцкага райвыканкама прайшло ў ККЗ «Іскра»

У ККЗ «Іскра» прайшло пашыранае пасяджэнне савета аддзела культуры Докшыцкага райвыканкама, удзельнікам якога стала намеснік старшыні райвыканкама Аксана Палачаніна.

На парадку дня:

«Вынікі працы ўстаноў культуры Докшыцкага раёна за 2023 г. і асноўныя напрамкі дзейнасці ў 2024 г.»,

«Праца Ваўкалацкага сельскага Дома культуры па арганізацыі культурна-дасугавай дзейнасці для розных груп насельніцтва»,

«Захаванне і развіццё традыцыйных рамёстваў і мастацкіх промыслаў у Докшыцкім раёне - асноўная задача дзейнасці раённага Дома рамёстваў»,

«Праца Гарадзішчанскай бібліятэкі-клуба па папулярызацыі беларускай мовы і літаратуры, свят і абрадаў нацыянальнай культуры»,

«Конкурсная дзейнасць як фактар развіцця навучэнцаў дзіцячай школы мастацтваў»,

«Роля прафсаюзнай арганізацыі ў прадстаўленні і абароне інтарэсаў работнікаў культуры».

Завяршылася мерапрыемства ўзнагароджаннем лепшых работнікаў па выніках 2023 г.

«Лепшымі па прафесіі» з унясеннем імёнаў на Дошку Гонару аддзела культуры Докшыцкага райвыканкама сталі:

— метадыст-майстар Докшыцкага раённага Дома рамёстваў Таццяна Гаварцова. Таксама Таццяне Пятроўне было ўручана пасведчанне Міністэрства культуры Рэспублікі Беларусь аб прысваенні статусу «Народны майстар Рэспублікі Беларусь»;

— дырэктар Докшыцкай ДШМ ім. М. Сакалоўскага Людміла Карповіч;

— метадыст па кінаабслугоўванні Докшыцкага ГЦК Ірына Мачкалян;

— загадчык Гняздзілаўскага СДК Жанна Каляга;

— загадчык аддзела абслугоўвання і інфармацыі цэнтральнай раённай бібліятэкі Наталля Цялічына;

— загадчык Літоўскай сельскай бібліятэкі-клуба Алена Тумашэвіч.

Сярод калектываў, прызнаных лепшымі па выніках 2023 года і таксама занесеных на Дошку Гонару прызнаны

Докшыцкі раённы Дом рамёстваў і Ваўкалацкі СДК.

Граматамі аддзела культуры Докшыцкага райвыканкама ўзнагароджаны:

– малодшы навуковы супрацоўнік Бягомльскага музея народнай славы Алена Гурыч;

— загадчык Таргуноўскага вясковага клуба-бібліятэкі Валянціна Малюжанец;

— настаўнік па класе баяна Бягомльскай ДШМ Алена Шаркевіч;

— настаўнік па класе фартэпіяна Докшыцкай ДШМ ім. М. Сакалоўскага Дар'я Паплёўка;

— загадчык Параф'янаўскай сельскай бібліятэкай Рэгіна Красоўская;

— прыбіральнік памяшканняў Сітцаўскага СДК Ала Нікіціна.

У 2023 годзе сярод клубных устаноў раёна праводзіліся раённыя конкурсы сцэнарыяў і сцэнарных распрацовак.

Дыпломам 3-й ступені раённага конкурсу на лепшы сцэнарый пасяджэнняў аматарскіх аб'яднанняў і клубаў па інтарэсах «Аб'ядноўваем інтарэсы: ад ідэі да рэалізацыі» ўзнагароджаны Бягомльскі ГДК. Таксама калектыву ўручаны дыплом 2-й ступені раённага конкурсу сцэнарыяў для дзяцей.

Дыпломам 2-й ступеніконкурсу на лепшы сцэнарый пасяджэнняў аматарскіх аб'яднанняў і клубаў па інтарэсах узнагароджаны Парплішчанскі СДК. Таксама калектыву ўручаны дыплом 2-й ступені раённага конкурсу сцэнарыяў «Ад бацькі і маці цяпло ў хаце» і дыплом 1-й ступені раённага конкурсу сцэнарыяў для дзяцей.

Дыплом 1-й ступені раённага конкурсу на лепшы сцэнарый пасяджэнняў аматарскіх аб'яднанняў і клубаў па інтарэсах атрымаў Сітцаўскі СДК. Таксама калектыву ўручаны дыплом 3-й ступені раённага конкурсу сцэнарыяў «Ад бацькі і маці цяпло ў хаце» і дыплом 2-й ступені раённага конкурсу сцэнарыяў для дзяцей.

Дыпломам 1-й ступені раённага конкурсу сцэнарыяў «Ад бацькі і маці цяпло ў хаце» ўзнагароджаны Ваўкалацкі СДК, 3-ці ступені – Таргуноўскі клуб-бібліятэка.

Дыплом 3-й ступені раённага конкурсу сцэнарыяў для дзяцей уручаны Барсукоўскаму СДК.