На Віцебшчыну трактары прыбудуць сваім ходам

У нядзелю тэхніка - больш за 260 трактароў «Беларус», 70 з якіх энерганасычаных - была ўрачыста адпраўлена да месцаў прызначэння трыма калонамі: непасрэдна з МТЗ, з пасёлка Абчак Мінскага раёна і горада Смаргонь, што на Гарадзеншчыне. Усяго да Новага года завод паставіць у нашу вобласць 354 адзінкі, астатняя частка ў гэтыя дні грузіцца на чыгуначныя платформы.

Новая тэхніка, якая пастаўляецца ў рамках планавай мадэрнізацыі і тэхнічнага пераўзбраення, стане значным дапамогай для многіх сельскагаспадарчых арганізацый, у тым ліку і для сямі аграпрамысловых аб'яднанняў. У адно з такіх аб'яднанняў - ААТ «Глыбоцкі малочнакансервавы камбінат» - уваходзіць ААТ «Барсучанка». Чакаецца, што ў апошнія пераднавагоднія дні машынна-трактарны парк сельгаспрадпрыемства папоўніцца пяццю новымі трактарамі.