Мадэрнізацыя памяшканняў пад вытворчасць для Докшыцкай швейнай мануфактуры

Старшыня райвыканкама Сяргей Абірала і яго намеснік Марына Клімовіч азнаёміліся з тым, як праходзіць мадэрнізацыя памяшканняў пад вытворчасць для Докшыцкай швейнай мануфактуры.

У пачатку 2022 года прадпрыемствам была запушчана вытворчасць па выпуску гарсэтных вырабаў пад маркай "Контэ Спа". Гэты праект уключаны ў інвестыцыйны партфель вобласці ў рамках выканання даручэння кіраўніка дзяржавы "Адзін раён - адзін праект".

Сёння мануфактура робіць стаўку на павелічэнне працоўных месцаў і нарошчванне аб'ёмаў вытворчасці. Для гэтага рыхтуецца новая пляцоўка ў былым будынку крамы "Будматэрыялы" на вуліцы Піянерскай у Докшыцах.

- Новая вытворчасць нараджае развіццё сацыяльнай інфраструктуры. Наша задача - скараціць адток людзей з раёна, каб ён жыў і развіваўся. А без людзей гэтага не дасягнуць. Лічу, што інвестыцыйны праект дапаможа вырашыць пытанне занятасці насельніцтва, забяспечыць працоўных дастойнай заработнай платай і ў цэлым узмоцніць эканоміку раёна, - адзначыў Сяргей Абірала.