12 мая 2023
Кіраўніцтва Докшыцкага раёна віншуе з Днём Дзяржаўнага сцяга, Дзяржаўнага герба і Дзяржаўнага гімна Рэспублікі Беларусь
Паважаныя жыхары Докшыцкага раёна!
Сардэчна віншуем Вас З Днём Дзяржаўнага сцяга, Дзяржаўнага герба і Дзяржаўнага гімна Рэспублікі Беларусь.
Патрыятызм кожнага чалавека непарыўна звязаны з трапяткім, паважлівым стаўленнем да галоўных сімвалаў сваёй краіны. Шанаваць і паважаць атрыбутыку сваёй Радзімы-абавязак і справа гонару кожнага беларуса.
Дзяржаўныя сімвалы сучаснай Беларусі заснаваныя на пераемнасці гістарычных традыцый і непарыўнай сувязі мінулага, сучаснасці і будучыні краіны, міралюбнага характару беларусаў, адлюстроўваюць веліч і прыгажосць роднай зямлі. Яны аб'ядноўваюць нас у адну вялікую сям'ю, напаўняючы сэрцы гонарам за прыналежнасць да народа з багатай гісторыяй і слаўнымі традыцыямі.
Няхай гэта свята яшчэ мацней з'яднае ўсіх нас, умацавае высокае пачуццё асабістай адказнасці за сваю краіну і гатоўнасці самааддана працаваць дзеля росквіту нашай роднай Беларусі.
Жадаем вам моцнага здароўя, шчасця, дабрабыту, міру і дабра!
Раённы выканаўчы камітэт
Раённы Савет дэпутатаў
