20 мая 2022
Кіраўніцтва Докшыцкага раёна адрасавала віншаванне з Днём работнікаў фізічнай культуры і спорту
Паважаныя работнікі і ветэраны фізічнай культуры і спорту, спартсмены, трэнеры, педагогі, аматары спорту!
Віншуем вас з прафесійным святам - Днём работнікаў фізічнай культуры і спорту.
Фізічная культура і спорт аб'ядноўваюць людзей розных узростаў і прафесій, дораць адчуванне паўнаты жыцця, гартуюць характар і волю, вучаць пераадольваць цяжкасці. Спорт нясе людзям здароўе, сілу і прыгажосць.
У раёне вядзецца пастаянная работа па стварэнню сучаснай агульнадаступнай спартыўнай інфраструктуры, па падрыхтоўцы алімпійскага рэзерву і паляпшэнню ўмоў трэніровак.
Педагогі і трэнеры адданы справе далучэння маладога пакалення да рэгулярных заняткаў фізічнай культурай і здаровага ладу жыцця. Выказваем словы падзякі ўсім, хто рыхтуе юных спартсменаў, выхоўвае ў іх працавітасць, упартасць і мэтанакіраванасць. Дзякуючы вашай мэтанакіраванасці і адказнасці, нашы юныя спартсмены дастойна прадстаўляюць раён на спаборніцтвах рознага ўзроўню і дабіваюцца высокіх вынікаў.
Жадаем усім моцнага здароўя, шчасця, спартыўнага даўгалецця, веры ў свае сілы і новых перамог на спартыўных арэнах.
Раённы выканаўчы камітэт
Раённы Савет дэпутатаў