Кіраўніцтва Докшыцкага раёна адрасавала віншаванне з Днём яднання народаў Беларусі і Расіі

Паважаныя жыхары Докшыцкага раёна!

Прыміце віншаванні з дзяржаўным святам - Днём яднання народаў Беларусі і Расіі!

Гэты дзень сімвалізуе непарыўныя повязі брацкай дружбы, духоўнай і культурнай блізкасці народаў Беларусі і Расіі.

Саюзная дзяржава - яркае сведчанне паспяховай рэалізацыі многіх сумесных праектаў, дзякуючы якім паглыбляецца стратэгічнае супрацоўніцтва Беларусі і Расіі ва ўсіх напрамках. Высокі ўзровень даверу садзейнічае цеснаму ўзаемадзеянню ў сферы знешняй палітыкі і бяспекі. Сёння беларусы і расіяне забяспечаны роўнымі правамі і сацыяльнымі гарантыямі. Актыўна развіваюцца і ўмацоўваюцца партнёрскія сувязі паміж рэгіёнамі дзвюх краін.

Выказваем упэўненасць, што мы і надалей застанемся вернымі шматвяковай дружбе і добрасуседскім адносінам, якія адкрыюць новыя гарызонты для стабільнага развіцця нацыянальных эканомік і павышэнню дабрабыту грамадзян.

Дарагія сябры! Ад усёй душы жадаем вам моцнага здароўя, шчасця, згоды, міру і дабрабыту. Хай добрыя двухбаковыя адносіны Беларусі і Расіі мацнеюць і развіваюцца на карысць народаў дзвюх краін.

Раённы выканаўчы камітэт

Раённы Савет дэпутатаў