Кіраўніцтва Докшыцкага раёна адрасавала віншаванне з Днём аўтамабіліста і дарожніка

Паважаныя кіроўцы, працаўнікі і ветэраны аўтамабільнага транспарту і дарожнай гаспадаркі раёна!

Прыміце самыя цёплыя і шчырыя віншаванні з прафесійным святам - Днём аўтамабіліста і дарожніка!

Сёння перад работнікамі аўтамабільнага транспарту і дарожнай гаспадаркі стаяць сур'ёзныя і важныя задачы па павышэнні якасці і надзейнасці перавозак, мадэрнізацыі транспартнай інфраструктуры, удасканаленні сферы паслуг, развіццi рэсурсазберагальных тэхналогій.

Без вашай нялёгкай працы, неабходнай і ў будні, і ў святы, у спёку і холад, без ажыццяўлення штодзённых перавозак, пракладання і рамонту дарог немагчыма вырашэнне сацыяльных і жыццёвых пытанняў насельніцтва, зручнасць і камфортнасць перамяшчэння жыхароў і гасцей Докшыцкага раёна.

Асобыя словы падзякі і павагі выказваем ветэранам-аўтамабілістам, дарожнікам, якія ўнеслі вялікі ўклад у развіццё сваіх прадпрыемстваў, выхавалі годную змену і заслужылі вялікае прызнанне за шматгадовую, добрасумленную працу.

Ад усёй душы жадаем усім моцнага здароўя, шчасця, сямейнага дабрабыту, безаварыйнай работы, бяспечных дарог і новых працоўных дасягненняў.

Докшыцкі раённы выканаўчы камітэт
Докшыцкі раённы Савет дэпутатаў