«Інтэлектуальная моладзь: ад SMART-ініцыятывы да SMART-горада»

Падзеі апошніх месяцаў паказалі эфектыўнасць дыялогавых пляцовак для абмеркавання і сумеснага вызначэння шляхоў вырашэння актуальных пытанняў развіцця беларускай дзяржавы і грамадства. Iх мэта - абмен меркаваннямі, якое дазваляе пачуць кожнага, каму неабыякава, якім будзе сёння, як мы будзем жыць заўтра і якім будзе будучыня нашага народа.

Мноства дыялогавых пляцовак напярэдадні VI Усебеларускага народнага сходу правёў Старшыня Палаты прадстаўнікоў Нацыянальнага сходу Рэспублікі Беларусь Уладзімір Паўлавіч Андрэйчанка. Высока ацэньваючы магчымасці такіх пляцовак, У.П. Андрэйчанка прапанаваў правесці ў горадзе Глыбокае навукова-практычны форум «Інтэлектуальная моладзь: ад SMART-ініцыятывы да SMART-горада».

Мерапрыемства адбудзецца 17 сакавіка 2021 года. У рамках яго правядзення моладзь Глыбоцкага, Докшыцкага і Ушацкага раёнаў сустрэнецца са сваімі аднагодкамі і прадстаўнікамі больш старэйшага пакалення, якія працуюць у дзяржаўных органах заканадаўчай і выканаўчай галін улады, органах мясцовага кіравання, адукацыйнай, навуковай і вытворчай сферах. Мэтамі сустрэчы з'яўляюцца абмеркаванне і ўзгадненне перспектыўных напрамкаў узаемадзеяння па стварэнні і ўкараненні перадавых распрацовак у сферах адукацыі, аховы здароўя і разумнай трансфармацыі гарадской інфраструктуры не толькі ў буйных гарадах, дзе ў бліжэйшыя пяць гадоў плануецца рэалізаваць канцэпцыю «разумнага горада», але і ў невялікіх населеных пунктах.

Якія практычныя напрацоўкі і прававыя рашэнні могуць быць выкарыстаны для стварэння «разумных гарадоў», якімі іх бачыць маладое пакаленне Глыбокага, Докшыц, Ушачаў і іншых гарадоў, раскажуць дэпутаты Палаты прадстаўнікоў Нацыянальнага сходу Рэспублікі Беларусь, прадстаўнікі Міністэрства сувязі і інфарматызацыі Рэспублікі Беларусь, Савета маладых вучоных Нацыянальнай акадэміі навук Беларусі, Кітайска-Беларускага індустрыяльнага парку «Вялікі камень», прадстаўнікі профільных падраздзяленняў Віцебскага абласнога і раённых выканаўчых камітэтаў.

Гэты форум закліканы стварыць аснову для фарміравання новых падыходаў і інструментаў, якія дазваляюць моладзі больш мэтанакіравана выбіраць будучую прафесію, хутчэй падымацца па прафесійных і сацыяльных лесвіцах, выкарыстоўваць атрымліваемыя ад гэтага выгоды для развіцця і павышэння дабрабыту сваіх сем'яў, тых месцаў, дзе нарадзіліся, выраслі, жывуць і працуюць, дзе жыве памяць продкаў і дзе абавязкова захочуць жыць будучыя пакаленнi.

Праца форуму «Інтэлектуальная моладзь: ад SMART-ініцыятывы да SMART-горада» і вынікі яго правядзення будуць асветлены ў сродках масавай інфармацыі.