Докшыцкая дзіцячая бібліятэка стала пераможцам рэспубліканскага конкурсу

Докшыцкая дзіцячая раённая бібліятэка заняла 1 месца ў намінацыі «Гісторыя Праваслаўя роднага краю» ў VII Рэспубліканскім конкурсе «Бібліятэка – цэнтр духоўнай асветы і выхавання». Цырымонія ўзнагароджання пераможцаў конкурсу адбылася 28 лістапада 2021 у Храме-помніку ў гонар Усіх святых і ў памяць аб ахвярах, выратаванню Айчыны нашай паслужыўшых.

25 лістапада 2021 года загадчык дзіцячай раённай бібліятэкі Алена Уладзіміраўна Гудзь прыняла ўдзел у рабоце круглага стала «Духоўная асвета праз дзейнасць бібліятэк», які праходзіў у рамках VII Беларускіх Калядных чытанняў «Ад купелі хрышчэння – да вяршыняў рэлігійнай думкі: 1030-годдзе заснавання Полацкай епархіі і 200-годдзе з дня нараджэння Фёдара Міхайлавіча Дастаеўскага». Усяго ў мерапрыемстве ўдзельнічала больш за 100 чалавек з усіх рэгіёнаў Беларусі.

Фота: church.by