У пятніцу юнакі Бягомльскай спецыяльнай школы-інтэрната прымалі віншаванні з надыходзячым Новым годам. У рамках рэспубліканскай дабрачыннай акцыі "Нашы дзеці" ўстанову адукацыі наведалі старшыня Палаты прадстаўнікоў Нацыянальнага сходу Рэспублікі Беларусь Уладзімір Андрэйчанка, старшыня Докшыцкага раённага выканаўчага камітэта Алег Кавалёнак, старшыня раённага Савета дэпутатаў Валянціна Рандарэвіч, начальнік аддзела па адукацыі райвыканкама Дзмітрый Партанка, старшыня Бягомльскага Мікалай Трахінін, намеснік старшыні праўлення ААТ "ААБ Беларусбанк" Дзмітрый Краскоўскі, начальнік упраўлення інфармацыі і сацыяльнага развіцця ААТ "ААБ Беларусбанк" Дзмітрый Бакіноўскі, генеральны дырэктар рэспубліканскага унітарнага прадпрыемства "Віцебскэнерга" Андрэй Панчанка.

Спікер беларускага парламента Уладзімір Андрэйчанка адзначыў, што школа становіцца год ад года ўсё больш прыгожай і ўтульнай, шмат робіцца для таго, каб дзеці маглі тут нармальна вучыцца і развівацца. Падзякаваў калектыву за працу і пажадаў усім міру і шчаслівых дзён. І, вядома ж, уручыў падарункі: прынтэр і прысмакі.

Ад райвыканкама школа атрымала ў падарунак халадзільнік, ад "Беларусбанка" - тэлевізар, пыласос, прысмакі і 6315 рублёў, ад "Віцебскэнерга" - спартыўны інвентар, сертыфікат на суму 2750 рублёў і цукеркі.

А дзеці падрыхтавалі для гасцей выдатны навагодні паказ.

Ніна КРУКОВІЧ.

Фота Аляксандра ВАРАНКІЧА.

Крыніца з фота:  https://www.dokshitsy.by/2022/12/shkolu-internat-posetili-pochetnye-gosti/