55 гадоў пачатку газіфікацыі Докшыцкага раёна

Сёння ў Докшыцкім РГС ПУ "Глыбокаегаз" прайшло ўрачыстае мерапрыемства, прысвечанае 55-годдзю пачатку газіфікацыі Докшыцкага раёна.

Аб'яднаны 55 гадоў таму адной марай, калектыў газавікоў зрабіў нямала. Пачынаючы з усталёўкі балонаў звадкаванага газу і заканчваючы развіццём і мадэрнізацыяй газавай галіны.

Сёння спецыялісты Докшыцкага РДС абслугоўваюць 292 км газаправодаў прыроднага газу, 1 газаразмеркавальны пункт, 30 шафных рэгулятарных пунктаў, 10500 газіфікаваных кватэр, больш за 1700 адзінак ацяпляльнага газавага абсталявання

На ўрачыстым мерапрыемстве прысутнічалі генеральны дырэктар ДВА "Белпалгаз" Аляксей Кушнарэнка, генеральны дырэктар УП "Віцебскаблгаз" Аляксандр Бранцэвіч, старшыня Докшыцкага раённага выканаўчага камітэта Алег Кавалёнак, кіраўніцтва прадпрыемства.

Ва ўрачыстай абстаноўцы былі ўручаны дыпломы і граматы ветэранам і работнікам прадпрыемства!