06.06.2025

У Докшыцкім раёне выбралі "Уладара сяла-2025"

У этнасядзібе "Вецяра" прайшоў раённы тур рэспубліканскага сямейнага сельскагаспадарчага праекта "Уладар сяла – 2025".

Сярод ганаровых гасцей старшыня раённага Савета дэпутатаў Валянціна Рандарэвіч.

Сем'і-ўдзельніцы:

Лаўрышчук (Крулеўшчынскі с/с),

Пашковіч (Парплішчанскі с/с),

Карніловіч (Тумілавіцкі с/с),

Ганчаровы (Бягомльскі с/с).

З прывітальным словам звярнулася кіраўнік дэпутацкага корпуса раёна Валянціна Рандарэвіч.

Надвор'е ўнесла свае карэктывы, але не перашкодзіла святочнаму настрою.

Конкурсы, танцы, і канцэртная праграма ад салістаў народнай вакальнай студыі "Калейдаскоп".

Пераможцам раённага этапу праекта "Уладар сяла - 2025" стала сям'я Максіма і Кацярыны Ганчаровых.

Усе ўдзельнікі мерапрыемства ўзнагароджаны падарункавымі сертыфікатамі і дыпломамі ад аддзела ідэалагічнай работы і па справах моладзі райвыканкама, раённай арганізацыі "Белая Русь", раённага аддзялення Беларускай партыі "Белая Русь", райкама прафсаюза работнікаў АПК і раённай арганізацыі "БРСМ".

Штогод праект рэалізуецца ў фармаце конкурсу ў тры асноўныя туры: 1) раённыя, 2) абласныя; 3) пераможцы абласных тураў прадстаўляюць рэгіён у рэспубліканскім фінале, які з 2020 года ўваходзіць у праграму свята "Купалле" ("Александрыя збірае сяброў").

Праект "Уладар сяла" стартаваў у 2007 годзе ў Глыбоцкім раёне, у 2008-м быў падтрыманы ўсімі рэгіёнамі краіны, а ў 2009 годзе змяніў статус на рэспубліканскі сямейны сельскагаспадарчы праект.

dokshitsy.by